الرحلة السكندرية_3

نعود لنكتب عن الرحلة السكندرية ... و نكمل الرحلة في المدرج الروماني ...كنت بدأت في التدوينة اللي فاتت الكلام عن الاثار الغارقة ... و الان أكمل بقية المكان ...
بعد الاثار الغارقة ستجد المكان هبط حوالي 12 متر و ستجد شارع كبيير جداً علي يمينه فصول دراسية في كل فصل هتلاقي مدرج علي شكل حرف U و ده اللي كان بيقعد في الطلبة و عند بداية حرف الـ U كان في سلم يصعد عليه المدرس أو الخطيب ... لرومان كانوا مشهورين بالخطابة لأنها أهم سلاح للسياسي البارع ...خطبة منبرية من إياهم ممكن تمشي جيوش للحرب .... و طبعاً الفصول دي كان لها أسقف بس دلوقتي ملهاش لأنها دُمرت في أثناء الحفر و التنقيب عنها ...
اضغط علي الصورة للكبير
وفي النهاية ستجد الحمام الروماني وهو كان بمثابة نادي أو مغسل و كان بيتكون من دروين الأول للعمال و في كل الأدوات اللازمة للحمام بالإضافة إلي أن المياة كان بيتم تسخينها في هذ الجزء ثم يتم رفعها إلي الجزء العلوي من الحمام ...و كان الحمام به عدة مراحل ... الاولي مياة باردة و بعدين مياة دافئة و بعدين مياة ساخنة ...
و كانوا بيخزنوا المياه في صهاريج خاصة ليتم استخدامها في الحمامات
و كان بيتم رفعها عن طريق سواقي لرفع المياه و بيتم تدويرها عن طريق الحيونات اللي كانت بتطلع عن طريق السلم ده
نرجع تاني للجزء الأهم في المكان وهو المدرج الروماني و هو كانو معروف زمان باسم المسرح الروماني لانهم كانوا بيتعقدا أنه مسرح و لكنهم اكتشفوا أنه مدرج و ليس مسرح ... يعني مدرج بيتم فيه حضور المؤتمرات و الندوات العلمية و كمان كان بيتسخدم كمجلس للشعب وكان مغطي بقبة و يميزه أن الفتحة الوحيدة الموجودة به من الناحية الغربية ... في اتجاة الريح علشان تنقل الصوت بسهولة ...
والمدرج له مدخل رئيسي و اخهر جهة اليمين و ثالث جهة اليسار و علي المدخل الرئيسي أعمدة عليها رمز الحكم البيزنطي و هو عبارة عن هالة و صليب ...
"الحكم البيزنطي هو الحكم امبراطورية الشرقية البزنطية المسيحية"
ندخل بعد كده علي فيلا الطيور ...
وهي فيلا محاطة بحوائط زجاجية حفاظاً عليها من الرطوبة و بها موزيك لشكل الطيور و علشان كده سميت فيلا الطيور و فيها موزيك تاني علي اشكال مختلفة زي الوردة
و ده فيديو للمكان من تصويري ... علي فكرة كل الصور اللي في الرحلة دي من تصويري ...
video
و بكده يبقي المدرج الروماني خلص ... ندخل المرة الجاية علي عامود السواري ...
يتبع

ليست هناك تعليقات: