المسؤولية

شعور سئ لغاية !!!
هذا ما أشعر به بالظبط في هذه الأيام ... فهي أيام عصيبة جداً فيب حياتي و التي أتحمل فيها مسؤلية و هو أن أكون Team Leader للـGraduation Project و اللي المفروض يخلص الأسبوع الجاي . منذ بداية هذا المشروع و أنا علي أعصابي ... كل حاجة في وشي أنا ... أي غلطة تحصل يبقي الـ Team Leader هو اللي يتحمل ... أي تأخير يبقي الـ Team Leader هو المسوؤل ... تحملت كثيراً من أجل ألا أغضب أحد مني في الـ Team و في نفس الوقت عايز كل حاجة تخرج باأفضل كفاءة ممكنة و هو ما تم إلي الأن بشهادة كثيراً من الناس أولهم الـ Computer Instructor مرورراً بال English Teacher وأخيراً كل زملائي ...! الكل أثني علي المشروع و الكل أعُجب به و هو لا يعرف أن وراءه هذا العمل جهد كبيراً جداً ... ساعات طويلة من العمل و السهر و الجد ... في بعض الأوقات أكون في قمة الغضب و لكني أكتمه لأن الشخص اللي المطلوب منه كده ... و إذا كان الـ Team Leader مش قادر يتحكم في نفسه فأزاي هيقدر يتحكم في الباقيين ؟!؟!؟!؟!؟ أنما الأوقات العصيبة اللي بتبقي في الأخر بتبقي أسؤا اللحظات و الأعمال بالخواتيم و مازالت النهاية مفتوحة ... و العرض النهائي هو ما يظهر هل كنت تعمل بجد طول الفترة الماضية ام لا ... ! لا شك أن المسؤولية شئ عظيم و لا يتحمله كثير من الناس و لكني أتحمله من أجل أن أثبت لنفسي أن قادر علي تحمل مثل هذا الأعمال و أني ساستطيع أن أفعل أي شئ إذا توفر لي أمرين ...
الأمر الأول : التوفيق من الله الأمر الثاني : العزيمة و الأرادة
يا رب الموضوع يخلص علي خير علشان اقدر أتحمل مسؤلية أكبر منه !!!!!!!!
. . .
هذه هي الحياة

اللغة و الكميوتر


أكلمت في التدوينة اللي فاتت عن اللغة و أهمية اللغة و اللسان بصفة عامة و ده كان يعتبر مقدمة علشان أنا من زمان و انا عايز أتكلم في موضوع اللغة الأنجليزية و أدي وقته جه أهو ...
بداية أنا بدرس لغة أنجليزية من الصف الرابع الأبتدائي زي أي طالب مصري موجود في المدراس الحكومية منذ نعومة أظافره و قعدت أدرس اللغة من الصف الرابع الأبتدائي لغاية الصف الرابع في الكلية و أقصد بدراسة اللغة الأنجليزية هنا هو أن في مادة ما اسمها لغة أنجليزية ... أنما في الكلية و من بداية الكلية كان نسبة 95 % من المواد باللغة الأنجليزية أنما طبعاً أنجليزي مصطلحات علمية بعيدة تماماً عن موضوع اللغة كوسيلة للتعايش العام ... يعني تدرس علشان تعرف أسماء المواد الكيميائية أيه و أسماء المعدات و الألات و النظريات و اللي فات سات ... !
أنما لغاية دلوقتي لا المواد العلمية أفادتني بحاجة و لا المواد العلمية بمصطلحاتها اللي ما ينفعش اقولها قدام حد ما يكنش فاهمها قدرت تفيدني في موضوع اللغة ، خلصت الكلية و بقيت عاطل عن العمل أد الدنيا بشهادة يتمناها القاصي و الداني في مصر ... و كنت بحسب أني هتخطف زي ما الناس كانت بتقول ... لكن للاسف عدد المجرمين اللي في الشركات قل جداً و أصبحوا مش عارفين يخطفوا أي خريج جديد علشان يشتغل في الشركة ... ازمة مجرمين و خطافين و مش أزمة بطالة خالص .. افهموا بقي ...  
طيب أيه المطلوب يا جماعة علشان نشتغل قالولنا لازم لغة و كمبيوتر قبل ما تفكر تكتب الـ CV بتاعك لازم الحاجاتين دول تكون مالي أيديك منهم أوي ... اللغة و الكمبيوتر ... واخد لي بالك أنت ...! اللغة دا انا Perfect في الـ English ايوا يا بني دا انا أحسن واحد في البيت بيقرأ English و كمان لو في روشته و عايزيين حد يقرأها بيقولي ... و بعدين انت ناسي أننا كنا بدرس بالـ English أصلاً يعني مافيش مشكلة أصلاً من اللغة ... يا بني دا انا ممكن اُدرس لغة لو حد عايز كمان ...!
 أما الكمبيوتر فأنا محترف فيه عايزين أيه يعني ... شوية Word عليExcell علي Power Point يا عم الموضوع سهل جداً طيب تعالي ندرس نقطة نقطة بقي علشان نبقي مرتبين
اللغة
الكلام اللي أنا كتبته فوق ده أنا قلته قبل كده كتير و سمعته قبل كده أكتر من ناس كتير و الكل وقع في Knowledge gap ... اه الكل بيحسب نفسه أستاذ و رئيس قسم و الموضوع مش محتاج غير شوية مراجعة بس للقواعد و خلاص علي كده ... أنت معقدها ليه؟
الموضوع مش كده خالص ... أي حاجة في الدنيا لازم تُدرس صح و بعدين تتدرب عليها كتير لغاية ما تبقي عادة فيك و تقدر تنميها بعد كده بسهولة ... طيب الحل أيه يا جماعة في موضوع اللغة ده
الحل أتعلم لغة ... اه هبدأ أتعلم لغة ما أنا قاعد فاضي و لا شغلة و لا مشغلة و أنا عندي نت في البيت و الحياة حلوة معايا و هيبقي الموضوع سهل خالص لأن في مواقع كتير جداً بتقدم خدمة تعليم المجاني و أون لاين مش هتتحرك من بيتك و كمان مش هتدفع مليم أحمر أو حتي أخضر ... يا سلااام طيب ... رحت أتعلم من موقع اسمه Livemocha اكيد عارفينه هو موقع مشهور و نظام الدراسة فيه جميل جداً ابتديت شوية تقريباً لمدة أسبوع و بعدين كسلت الموضوع بدأ يبقي صعب و الحياة بقت بايخة و مافيش متابعة ... الملل لما يدخل لك من الشباك فاعلم ان الأمل سيخرج من الباب ...!
طيب الحل ايه ؟
واحد صاحبي قاللي في كورس جميل اوي اسمه Tell me more الكورس ده رهيييييب هيعلمك كأن مُدرس قدامك و الكورس جميل جداً و جربته شوية و بعدين كسلت و السبب أن أولاً ما فيش متابعة ثانياً مافيش همة علشان أكمل و ما فيش مقياس للتقدم بتاعك لأني بصراحة كنت بحس بتقدم قليل جداً هما يومين بدأت فيه و بعدين سيبته نروح بقي Audeo Books طريقتها حلوة و جميلة و تتعلم معلومة برضه و بعدين ادينا بنجرب و لا ايه ؟ بدأت ... قريت ...كسلت ... كفاية كده بقي أنا لازم أخذ كورس كده مش هينفع مش هينفع ... أخدنا كورس ... استلم كتاب و بعدبن أقرأ المعلومات ... روح اعمل الواجب اللي عليك و بكرة خد Chapter جديد و هُلم جر ... لا لسه في حاجة غلط ... انا مش حاسس بتقدم ...أنا عايز اتكلم انجليزي يا جدعااااااااااان
أعمل ايه أعمل ايه ؟
يا جماعة اللغة دي ثقافة قبل ما تكون مجموعة من المفرادات و التعبيرات و الأفعال اللي متصرفة في أكثر من زمن .. اللغة ثقافة شعب بيتكلم بيها ... أقرأ أي كتاب في تعليم لغة هتلاقيه جايب ثقافة الشعب ده فيها يعني كتب تعليم اللغة الأنجليزية تختلف عن تعليم اللغة الفرنسية تماماً ... كل شعب و له ثقاف معينة ...
أقرأ أي كتاب مترجم من لغة تانية و أنت مش هتحس بيه نهائياً لأن الكتاب استخدم مفرادت اللغة لرسم صورة من ثقافته في الورق أنما المترجم ترجم من لغة إلي لغة من غير إحساس ...
و النقطة التانية هي إن أحنا لما اتعلمنا عربي ما اتعلمناش العربي في المدرسة ما تعلمناش نتكلم لما وصلنا 6 سنين و قبل كده كنا خرس مش بنتكلم ... كنا بتكلم برضه ... بس الموضوع ده جه منين ... اتعلممنا نتكلم منين ؟؟؟؟؟؟؟؟ ايه اللي خلي طفل في فرنسا يتكلم فرنساوي وأخر في انجلترا يتكلم أنجليزي في صغره و أيه اللي خلي واحد عربي تكلم عرب من صغره طيب أيه اللي يخلي طفل أبوه عربي و لكنه مولود في أمريكا مثلاً أنه يتكلم أنجليزي كويس و عربي مكسر دا أن اتكلم عربي أصلاً... ! اللي عمل كده هو اكتساب اللغة من أهل اللغة نفسها و فهم المعني كويس قوي بحيث أننا في كلمات كتير جداَ بنستخدمها و مش عارفين معناها أيه بالظبط بس بنستخدمها ...! انا مرة شفت واحدة بتشحت في الشارع و بتقول الكريم لا يُضام ... كنت عايز أروح لها و أسألها يعني أيه يُضام ؟ الست اللي كان بتشحت دي لا دخلت مدارس و لا عمرها شافت مُعجم ... ! إنما عرفت كلمات من اللغة مُكتسبة فيها و علشان كده بقت بتستخدمها في مكانها و إن كان المعني المعجمي بتاع الكلمة مش موجود في الذاكرة !!!!! طيب يعني علشان نتكلم لازم نسمع و علشان نسمع لازم نسمع صح إنما اللي بيحصل في كل مدراسنا و كلياتنا أننا بنقرأ و نتعلم القرأة و الكتابة
إنما الكلام والسماع من البيت و الشارع و المسجد و التلفزيون و الراديو من قبل ما نعرف أن في حاجة اسمها مدرسة أصلاًَ ... مش كده و لا ايه ؟ يعني المفروض نظرياً حتي أن اللي عايز يكتب كويس لازم يقرأ كتير هيعرف مفرادت جديدة و تعبيرات جديدة و استخدمات للكلمات أكثر انما اللي عايز يتكلم لازم يسمع اكثر و يسمع كتير طيب انا مثلاً لما جيت احفظ قران من حوالي 5 سنين ابتديت علي طول بالحفظ و كنت باسمع القران في الراديو و أقلد الشيخ المقرئ و بكده اتعلمت أقرا صح بس من غير ما مد أيدي في أي كتاب له علاقة بالتجوديد .. أتعلمت من الأخر و الحمد لله لسه عارف أزاي أنطق صح و إن كنت مش عارف إيه اسم الحاجة ده ( إدغام و لا إقلاب و لا ايه؟؟؟؟)
نفس الحكاية اللي كانوا بيعملوها العرب زمان ... كل الواحد منهم ما يعرفش يقرأ و يكتب بس يقدر يقول شعر قوي جداً لا يفهمه أستاذة الجامعة الحاليين ...! لأنه أخد اللغة من أهلها ... أخدها صح ... و ماهتمش بالمرادف اللي يُبرز المعني و يوضحه و الجناس الناقص و أثره في القصيدة و القافية اللي بنستخدمها علشان تعطي جرس موسيقي تخلب له الأذان ...! و انا شايف ان ده الصح إن أنا بعد كده ممكن أتعلم العلم النظري بسهولة جداً لأن الأساسات موجودة
نرجع تاني للـ English بقي
انا لقيت English course جميل قوي من فترة و أنا بتصفح كالعادة ... كورس فيه كل اللي أنا كنت عايزة Course   يعلمك بطريقة (أنا طفل) ... علمني الكلام بقي...!
الـ Courseا  سمه EffortlessEnglish و الموقع الرسمي بتاعه www.EffortlessEnglish.com و هو موقع للمدرس العبقري A.J Hoge اللي أنا معجب جداً بطريقة تدريسه و سأبدأ في الCourse  الخاص به قريباً جداً إن شاء الله
يعلمك هذا الـ Course اللغة الأنجليزية كما لو كنت طفل يتعلم من أبيه ... يعلمك اللغة ممزوجة بالثقافة و بلغة الجسد Body Language   يعلمك كما لو كان مجموعة متكاملة في التعليم ... ستتعلم من هذا الرجل ليس فقط الأنجليزية و لكن أيضاً القوة في الكلام و التعبير و استخدام اللغة بدون تفكير و لكن هذا فقط إذا واظبت و استمريت في العمل يوماً بعد يوم ... سيتحقق الحلم ... و لم لا ؟؟؟
و لكن يجب أن أذكر هنا نقطة هامة ... لن تكون قوة اللغة الثانية كما هي قوة اللغة الأولي و هكذا ... ليه ؟ لأن التعليم في الصغر ليس كالتعليم في الكبر مهما كان قوة البرامج التعليمية للغة الثانية .... لأن عقل الطفل الصغير كالطاسة العادية (مش تيفال) اللي بيلزق فيها الأكل أنما لما كبرنا عقلنا بقي زي الطاسة التيفال المعلومة ما تلزقش فيها ... و مش هينفع نرجع ورا ...
و لو عايز تجرب البرنامج ده لنكاته موجوده هنا
من هنا أوز من هنا تجد القواعد السبعة التمهيدية لتعيم اللغة الأنجليزية
من هنا تجد الـ Course الأساسي
و من هنا تجد Bonus Course
و كمان في كورس جميل أوي اسمه learn English with Mr. Duncann











 و برضه مش قادر اوصف جمال الـ Course  ده ، ممتع جداً جداً أبقي شوفه و ده بقي  اللي عامله  منزله ببلاش بعكس الكورس الأول اللي هو مفروض تشتريه ووبساطة نزله من اليويتوب عن طريق أي برنامج من برامج التحميل من اليوتيوب  .. سهلة أوي دي 

نيجي بقي للكمبيوتر ... أيه المطلوب ؟؟
أكيد ... أكيد ... أكيد ... أكيد ... مجموعة برامج الأوفيس M.S.Office وده طبعاً حاجة معروفة للجميع و معروف طبعاً مجموعة البرنامج اللي فيهم ...
طيب أبدأ منين يعني ؟!!!؟ من رأيي أن الكورسات في الموضوع ده ملهاش أي لزمة خصوصاً للناس اللي بتحب الكمبيوتر و ممكن يدرس مع نفسه ( دا أن كان عنده من الهمة أن هو يبدأ و يكمل) و خصوصاً أن الكتب الخاصة بالكمبيوتر و برامجه بقت كتيرة أوي ... !
و كمان البرامج التعليمية المصورة فيديو بقت كتير جداً برضه و ما الـ Youtube منكم ببعيد ... !
الـ Youtube مليان بالفيدوهات اللي بتشرح برامج الكمبيوتر دي كلها سواء باللغة العربية أو باللغة الأنجليزية و كنصيحة مني
لا تقرأ كتب الكمبيوتر .. لا تقرأ كتب الكمبيوتر ... لا تقرا كتب الكمبيوتر ... !
خصوصاً قي الـ Office  بالذات ، أنما في حاجات تانية الكتب فيها مهمة جداً زي البرمجة مثلاً 
أبدأ أول ما تبدأ أنك تشوف البرامج دي شغالة أزاي ... الفكرة بتاعتها أيه ؟ و المبادئ تقريباً ثابتة في كل البرامج و بيختلف في تطبيق كل برنامج ..أنا مثلاً لما جيت أتعلم مجموعة الأوفيس دي أتعلمتها لوحدي من أسطونات شركة PC lab Graphics و هي معروفة لأي دارس كميبيوتر و هي مجموعة متميزة جداً جداًُ ... و ممكن تحملها من هنا أو من هنا و لااعرف أن كان اللنكات لسه شغالة وللا لأ بس لو موجودة يبقي حملها من الـ Mega upload أفضل 
أنما في نقطة مهمة جداً برضه لازم أتكلم فيها هو أن البرامج دي مش معمولة علشان تعرف فيها كل الأوامر المتاحة و تستخدمها ... علي رأي اللمبي Absolutely !!!
في كل برنامج هتلاقي ألاف الأوامر لو قعدت تحفظ فيهم مش هتخلص و مش هتسفيد حاجة ،  شوف أنت عايز تعمل أيه و عايز تعمل بيها أيه و أتعلم الأمر بتاعة و لو وقفت حاجة قدامك ابقي أفتح كتب الكمبيوتر الكبيرة من أمثال Bible أو أسأل في مواقع الأنترنت المختلفة ... بلاش ده و لا ده افتح الـ Help تقدم المساعة المطلوبة بس أنت أقرأ 
و اللي لازم تعرفه كمان في الكمبيوتر البرنامج اللي أنت بتسخدمه في شغلك يعني مثلاً واحد محاسب لازم يكون دارس Accounting Excel لان الـ Excel العادي ما ينفعش معاه بحاجة ... !!!
و لازم يكون عارف Pitch tree و لازم يكون عارف في برامج المخازن و غيره من البرامج
المهندس المدني أو الميكانيكي لازم يكون عارف في الـ Auto Cad و يكون عارف في الـ Solid Edge و غيرها من برامج الرسم
المهندس الكيميائي لازم يكون عارف في الـ HYSYS و الـ ChemCad و غيرها من البرامج اللي تخدم مجاله
و هكذا بقي ... دواليك دواليك
الخلاصة اللي ما يعرفش لغة و كمبيوتر صح و يتعلموهم بضمير ما يرحش يدورعلي شغل في شركة محترمة

Seal 4

Seal 4
غريب الاسم ده ... أنا نفسي استغربت من الاسم بس قررت أشوف الفيلم و بعدين أبقي أشوف يعني أيه Seal و في الأخر برضه ما عرفتش يعني أيه Seal .... نبدأ بقي في الفيلم اللي عجبني جداً جداً ...
. .
الفيلم قصير نوعاً ما (18 دقيقة) و مفهوش أي كلام ... فقط موسيقي مصاحبة الفيلم و علي فكرة في جزء منها موسيقي برنامج لعبة الحياة( Deal Or Not Deal) اللي بيعرض حالياً علي قناة الحياة ( أكره هذا البرنامج بشدة)...
ندخل بقي في تفاصيل الفيلم
الفيلم بيصور تدريبات شاقة لمجموعة من 100 جندي مصري قرروا أنهم يكونوا Seals تدريبات شاقة جداً ما فيش رحمة No Mercy ما فيش اعتذار No Excuse ما فيش يوم عادي No Easy day تدريبات في البر والبحر وفي الجو في تدريبات الأرض بيخلوهم يمسكوا جذوع نخل ويقفوا بيها في عز الحر و يناموا علي الرمال السخنة ويغطهوهم بالرملها في وشهم ... طبعاً تمرينات الضغط ده لعب عيال بالنسبة لهم كله كوم و هما ا بيرشوهم بخراطيم ميا في عز البرد و بالليل وهما شايلين جذوع النخل ...
. .
أما تدريبات البحر فطبعاً حاجة مختلفة تماماً عن أي حاجة بنشوفها في التلفزيون ... بنطوا في البسين و هما متكتفين و ينزلوا يضربوا بعض جوه الميه علشان يوريك قوة التحمل أد ايه ...
. .
أما في الجو فيخلوهم ينطوا من الطيارة في المياه او يخلوهم ينطوا بالليل بصراحة رجالة ويستاهلوا تعظيم سلام عموماً أنا استمتعت بالفيلم و ياريت انتوا كمان تستمتعوا بيه أنا رافع الفيلم علي الرابط ده

Hello New Year !

HELLO NEW YAER
I hope this year be better than 2009
This year will be different ... full of success ... full of happiness ... full of good news
Just work on what you want .... you will gain more than you dream
It's a promise