Just for Fun ... Pics

أنا بقالي كتير أوي ما كتبنتش حاجة بس جالي أيميل النهارده قلت لازم أعلق عليه هنا في المدونة

الايميل عبارة عن صور بس غريب جداً ... أنا أول مرة أشوف الصور العجيبة دي

الصورة دي من تايلاند و شايفين طبعاً أزاي الطفل بيحيمي الثعبان الكبير معاه ... أنا حاسس أن الثعبان هو اللي خايف !

أما دي فمن الصين ... يعني العدد في الليمون ... تصور مثلاُ الصينين كلهم عايزيين يصيفوا في وقت واحد ... دول ممكن يأخدوا المحيط كله يومها و يتسبب ذلك في غرق العالم كله أثر الفيضانات !!!

دي بقي من تكساس ... يعني( النظافة تاج علي رؤوس البقر) ... مع الأعتذار للحكمة اللي بتقول (الصحة تاج علي رؤوس الأصحاء)

الصورة دي من اليابان أنا مش عارف اليابنبن عايزين يعملوا أيه في العالم أكثر من كده بطيخ مكعب علشان يعرفوا يحطوا في التلاجات بسهولة و ينقلوه بسهولة ... أنا عارف أخرتها أيه معاكم !

باكستان حيث النقل البرمائي

مين قال أن مصر فيها أزمة مواصلات ... اما اللي في بنقلادش دول يعملوا أيه ؟ ... الحمد لله علي كل حال

يا جماعة وسعوا شوية للقطر ده ... احترموا أن في شريط قطر موجود والقطر عايز يعدي ... أنا لو مكان السواق اطلع عن القضبان و ما يهمنيش !!!! علي فكرة الصورة دي من اندونيسيا

تحب تأكل أيه يا كنجرو يا حبيبي ... أجيبلك أيس كريم !!! ولا تأكل أم علي !!!استراليا

طبعاً الصورة دي من الهند و مش هعلق عليعا ... السكوت أحسن

Bad Listener !!!

من أكتر الحاجات اللي بكرها في حياتي هو أني أكون واقف أتكلم مع واحد و باسمعه و مش راضي أقاطعه علشان أفهم وجهة نظره و أعرف هوعايز يقول أيه - و دي حاجة كويسه جداً أنك تسمع و بعدين تتكلم و تفهم ايه اللي بيتقال و تعرف أيه اللي عايز الي بتكلم للأخر- وبعد ما يخلص الكلام و أجي أتكلم معاه وأرد عليه ألاقيه عمال يتكلم ... أي قلة الذوق دي !!! أنت مش عارف أدب الحديث بتتكلم ليه ... !!؟ و عايز نقتنع برأيك طالما انت ما بتسمعش اللي قدامك للأخر ... !!! عايز تقول اللي في دماغك هو بس اللي صح و الكلام اللي غيرك هيقوله مش مهم ... أنا صح و انت لو اتكلمك ساعة فبرضه غلط !!!

.

.

أنا بصراحة بعاني من الموضوع ده ... كل شوية أقول لواحد BE A GOOD LISTENER TO BE A GOOD SPEAKER و لا حياة لمن تنادي ... كله يزعق ... كله يهلل... كله يبخ كلامه في اللي قدامه زي الأخطبوط ما بيبخ سمه في أعدائه ...

.

.

ممكن الكلام بتاعك يكون صح بس أنت أكيد مش هتكتسب إحترام اللي قدامك لو عايز تثبت وجهو نظرك أت بس ... كل واحد بيحب يتكلم و يتسمع من الأخرين ... أكيد هو عنده معلومات وعايز يقولها ليه بقي تحرمه من أقل حق له !!

.

.

الصراحة الموضوع ده مش بس فس صحابي أو في ناس كتير لأ ده في ناس كبيرة أوي كنت مفكرها ناس عاقلة و فاهمة ... اتاريهم غوغاء هما كمان و كل واحد برضه عايز يثبت وجهة نظره ... اتفرج علي برامج الـ TALK SHOW و شوف المهازل اللي بتحصل ...!!! , و لا الأطفال ...!!!

.

.

وزراء و صحفيين كبار و هاتك يخناق ... و في الأخر المذيع يقعد يهدي فيهم و أنت يا مشاهد ياغلبان أكيد بتتأثر بيهم و تتطلع تعمل كده في الشغل ... عليَ صوتك .. الحق معاك ... علي صوتك و اشتم انت الصح!!!!

.

.

هو ده اللي اتعلمناه من البرامج التافهة اللي معمول لها propaganda بملايين علشان ما فيش حد يسمع حاجة كله يتكلم و بس خلاص ... كله يقول و لا حد عايز يفهم ولا حد عمره هيستفيد حاجة ...

.

.

.

أنا عن نفسي بحاول أكون مستمع جيد و أسمع اللي قدامي كويس ... بس تقول ايه بقي في الأخر بتقلب خناقة للي بكلمة علشان أثبت أن الواحد لازم يكون GOOD LISTENER !!!!

شكراً لكل حرامية الأنترنت ...

بداية ... أنا اشكر كل الـ Crackers الموجودين في العالم علي مجهودهم الرائع و أشكر كل سارقي الأفلام العربية و الأجنبية و البرامج التعليمية و الكتب و غيرها الكثير .... طبعاً دا كلام غريب جداً أني أشكر ناس ينتهكوا حقوق الملكية الفكرية و لكني ما زلت أكرر ... أنا أدين لك بالكثير ... ألف ألف شكر يا رجالة و بالتوفيق دائماً و إلي مزيد من السرقات التي تفيد البشر خصوصاً الذين لا يملكون حق الأستمتاع بالتعليم أو الترفيهة في دنيا أصبح فيه البقاء للأغني ...

.

.

.

أولاً ... أحب أقول أني لا استخدم أي برنامج أصلي علي جهازي بداية من الـ Operating System و نهاية بأصغر برنامج موجود عندي في الجهاز ... كلها برامج مضروبة أو كما يقال عنها برامج مقرصنة ...

.

أنا طبعاً مش حابب كده ولكن ده غصب عني !!! أعمل ايه يعني إذا كان ثمن أسطوانة الـ Windows لوحدها قد مرتب شهر ... أشتري Windows أصلي و لاأ عيش شهر بحالة ( أقصد مرتب الأسرة و ليس مرتبي أنا فأنا مازلت عاطل عن العمل !!!) أكيد طبعاً مش هفكر في يوم من الأيام أن اشتري نسخة أصلية من أي برنامج ألا لما أكون خلصت مصاريف الأوليات في حياتي ... First Things First

.

أسمع شخص يقول لي من بعيد ... و ليه ما تستخدمش برامج مفتوحة المصدر Open Sources Programms أرد عليه بالراحة و أفهمه ...

.

أنا لما جبت الكمبيوتر من حوالي 6 سنين كنت لا اعرف ما هو الـ Operatimg System و لا أنه برنامج زي أي برنامج لازم نشتريه علشان نقدر نستخدمه ... الكمبيوتر جه البيت و نفتح الكمبيوتر تلاقي الحياة حلوة و ما عليك ألا أنك تتعلم أزاي تشتغل علي الكمبيوتر و طبعاً وقتها اشتريت كتب و سمعت بعض البرامج التعليمية ...

.

و بعدين طبعاً لازم أجيب الـ M.S.Office Packaage ما هو مش معقول واحد في كلية مش بيعرف يشتغل علي M.S.Word أو M.S.Excel و غيرها من البرامج المهمة جداً لأي واحد في كلية و ما بالك بكلبة الهندسة الموقرة يعني كل يوم في Report و كل يوم في Presentation و الذي منه ... أكيد الواحد ساعتها دماغه بتكون مش فايقة ألا أنه يخلص الحاجة اللي عليه مش مشكلة بقي البرنامج ده مسروق ... مخطوف ... المهم أن الحاجة تخلص و السلام !!!

.

و لو دخلنا بقي علي البرامج الهندسية المتخصصة فدا مستحيل اني أفكر أني اشتريها يعني هشتري Autocad و Hysys و Chemcad و ... و ... قائمة لا تنتهي ...

.

أما إذا كنت محب للـ Graphics و بتحب تشتغل علي الـ Flash و Photshop و Coral Draw و ... غيرها من البرامج العملاقة فمن الفضل أن تتعلم كيف تسرق بنك أولاً... !

.

طيب دا كله في البرامج ... لو حبيت أنا اتفرج علي فيلم جديد و ما عنديش لا الفلوس و لا الوقت اللي أنزل و اتفرج عليه أعمل أيه أنا ... أو لو عايز العب لعبة جديدة أعمل ايه ؟ ملعبش علشان مش معايا فلوس أشتري النسخة الأصلية من العبة ؟...!!!

أعيش كده في جو من الأكتئاب اللا محدود ... يعني أعمل ايه أنا ... أنط الحبل و لا ألعب استغماية مع نفسي ؟!!!

أكيد هروح أنزل فيلم أو ألعب لي لعبة و دي طبعاً مقرصنة ... مسروقة يعني

.

.

.

حاجة كمان بقي مهمة جداً ... الكتب ... الكتب بكافة أنواعها التعليمية و الترفيهية...

أكيد طبعاً كل واحد لازم يقرأ سواء كتب دراسية أو كتب تعليمية لبرنامج معين أو لغة ما ... بس لازم تقرأ ... أمال داخل مداراس و كليات ليه ؟ و هتقدر تعيش في الزمن ده أزاي ... دا أنا لو غبت عن النت يومين بحس أني بقيت في زمن تاني ... لازم تقرأ ...

.

و منين أجيب الفلوس اللي هقدر أشتري بيها الكتب اللي أنا عايزها ... أكيد هروح لأي موقع بيقدم الكتب ده و زي الشاطر هضغط علي اللنك و انتظر الكتاب ينزل ... وكفي الله المؤمنين شر القتال ...

.

.

.

حاجة أخيرة أنا عايز أتكلم فيها و أني مش معترض أبداً علي البرامج مفتوحة المصدر و أني سأتستخدمها في يوم من الأيام و لكل خلينها صرحاء ... لولا البرامج المقرصنة ما تعلم احد منا شيئاً و كما أن البرامج المفتوحة المصدر ما زالت غير مشهورة إلي درجة كبيرة ...

إذا كنت لاتقرأ إلا ما يعجبك فلن تتعلم أبدأ

إذا كنت لاتقرأ إلا ما يعجبك فلن تتعلم أبدأ

.

جملة تحتمل المعنيين أن تقرأ ما يعجبك فقط و بذلك فأنت تتعلم في شئ تتخصص فيه و بالتالي سيزيد علمك في مجال محدد

.

و المعني الأخر أن تقرأ في مجال أخر لا تحبه فقط لتعرف فيما يفكر فيه الناس و بالتالي سيكون لديك قاعدة عريضة لتفبل الرأي و الرأي الأخرو سيزيد مستوي ثقافتك و لكن ليس التخصص لأن التخصص سيكون له وقت أقل لك لتقرا فيه!!!!!!!

.

و المهم الأن أيهما يجب أن نتمنهج عليه؟ التفسير الأول أم التفسير التاني ؟

إلي أين نحن ذاهبون؟ ... في ستين داهية !!!

في الحقيقة لا أعرف إلي أين نحن ذاهبين بالظبط ... و لكن بالتأكيد رايحيين في داهية ...

.

لماذا أقول هذا الكلام ... ؟

لما شفت الأعلان الخير بتاع ميلودي و اللي فيه المنتج المسمي بتهامي بيخرج صوت غير لائق من فمه ( ---- ) أنا غليت و كان هاين عليَ أولع في الكمبيوتر اللي قدامي ؟ يعني ايه أعلان يتوافق عليه في القناة اللي بيشوفها - للأسف - قطاع كبير جداً من المصريين لأنها قناة مجانية و غير مشفرة كغيرها من قنوات أوربت مثلاً يعني اي واحد بيشوفها صغير و كبير و رجالة و ستات ...

معقوله وصلت المهزلة الاعلامية لغاية كده ... الناس ده فاكرها شطارة أنها تذيع حاجة زي كده ... يعني المرة دي صوت و المرات اللي فاتت بنات اقل ما يمكن أن يوصفن بأنهن عرايا و ايحائات جنسية و بعدين يطلع الأعلاميين يقولوا احنا بنحب مصر و هنغني لمصر و الله لو غنيينا ألف ألف سنة و رفعنا اعلام و عملنا مظاهرات في مصر كلها من أسوان لأسكندرية مش هيحصل حاجة ... الغلط كله من المؤسسات المسؤلية الللي بتبث في الناس اللي المفروض يتسمع و يتقرأ و الناس الساذجة بتسمع اي حاجة و كل حاجة لغاية ما اتعودنا علي البنات العراينة و علي الايحائات الجنسية في الافلام و كل ما هنو قبيح و تافهة و أصبح هو العادي في مصر ...

.

لك الله يا مصر

.

اشعر بحزن عميق من الاعلام في مصر ... هيودي مصر في داهية و لا محالة ... لما طفل يسمع كلمة وحشة في التلفزيون و يطلع يقولها عادي خاص يبقي فين بقي الأدب و الأخلاق اللي ممكن يتعلمهم بعد كده ... الناس اتعودت خلاص علي كده و هو المطلوب من هذا القنوات الاعلامية و الافلام الخليعة اللي بقت بتتنشر عيني عينك و لا حرج لدي أي شخص أن يقول لك في منتدي ان الافلام دي للكبار فقط ...

.

.

.

انا مش عارف بجد احنا رايحين فين ؟ بس أكيد الي الهاوية ... مصر عمرها ما هتتقدم بأفلام و مهرجانات و اغاني تافهة و لا ماتشات كورة ...

الحكمة ضالة المؤمن

للكبار فقط ... ممنوع لأقل من 18 سنة

كل لما أدخل علي أحد المواقع العربية المختصة بالأفلام لمعرفة الجديد خاصةً الأفلام الأجنبي أجد العبارة الشهير (للكبار فقط) يعني أيه للكبار فقط يعني هذا الفلم يحتوي علي مشاهد لا تليق بصغار السن ممن هم اقل من 18 سنة والمشاهد دي أما تكون مشاهد عنف أو رعب أو جنس وضع تحت الأخيرة 100 خط .

.

.

هوأيه اللي جري للناس هل معني أن الفلم ده للكبار فقط أنه يحق للكبار فقط وأنه الكبارفقط يحق لهم مشاهدة المشاهد الجنسية الساخنة لأنهم فقط كبار وهذه يعطيهم كل الحقوق في فعل أي شئ ... ؟ وليه البجاحة وصلت للشكل ده ؟ طيب هما الأجانب بيعملوا أفلام بها مشاهد جنسية ولا يتحرك لهم ساكن حتي أني قرأت مرة أن الممثلة كيت وينسلت كانت محرجة عندما مارست الجنس من ممثل أخر وزوجها في نفس الفلم !!!! لا أتذكر هل هو مخرج أم ممثل ...قمة البجاحة وقمة الدياثة ...

.

.

ولكن هذه حياتهم هم أحرار وأن كان العقلاء منهم يرفضون ذلك بشدة ولكن لا حياة لمن تنادي أنما أحنا مالنا بقي بالموضوع ده هو أحنا ما نخدش من الغرب غير العنف والجنس مفيش حاجة كويسة تاني مفيش علوم هما تفوقوا فيها وعدونا بمراحل وأحنا أصلاً ما نعرفش عن أسماء بعض علومهم شيئاً واللي يغيظ ان اللي قائم بأعمال هذا المواقع من نشر الأفلام هم من صفوة المجتمع يعني اللي بيترجم الأفلام ناس بتعرف لغة كويس وعلي علم مش ساقطين ولا فاشلين دراسياً أنما تلاقي بيقولك بكل بجاحة هذا الفلم لا يصلح للمشاهدة العائلية لأنه يحتوي علي مشاهد جنسية ساخنة وتيجي تبص علي عدد مرات التحميل تلاقيها بالالأف ...

.

.

واللي يغيظ أن المواقع دي تلاقيها حاطة موااضيع دينية للشيخ محمد حسان مثلاُ أو أي شيخ أخر ممكن يكون بيتكلم عن غض البصر أو بيتكلم عن الجنة و النار و تلاقيه جنبه علي طول الفيلم و صورة الأفيش أمراءة شبه عارية ...

.

.

لا حول و لا قوة إلا بالله العلي العظيم

.

.

اللهم أهدني و أهدهم و نجنا من القوم الظالمين واحفظنا منهم يا رب قولوا امين

حان وقت الامتحان ...!

أصعب إحساس في الدنيا هو أن تشعر أنك أخطأت في حق نفسك ... أصعب أحساس في الدنيا أنك تضحك علي نفسك ... أنك تكذب علي نفسك !!! ... لن تجد في الدنيا شعوراً أكثر أحباطاً من هذا في الدنيا ... !!! ... أقسم لك لن تجد ...!!!

. .

أن تبدأ في مراجعة نفسك ... و محاسبتها عما كان منها فتجد علامات التقصير واضحة جلية ثم تتناسها ...! إذا غضضت الطرف عنها فهي لا تغض الطرف عنك و ستلاحقك أينما كنت ... !

. .

مذن فترة طويلة و أنا لم أضع نفسي تحت أختبار حقيقي ... أختبار الممتحن فيه أنا و المراقب أنا و المصحح أيضاً أنا ...وانتظر النتيجة علي أحر من الجمر ليقول ناجح ... ليس المهم النجاح و لكن المهم هو شرف النجاح ... أن تشعر أنك حققت ما تريد و ما يراد منك علي أكمل وجهة و أن تكون ذا نفس رضية ... تللك هي المسأله ...!

. .

أستطيع الأن أن أقول حان وقت الامتحان ... مدة هذا الامتحان هي أسبوع يبدأ من لحظة نشر التدوينة أل يوم الخميس القادم الموافق 12/11/2009 ...

. .

متوقف عن كافة الانشطة لأعادة التفكير في الامتحان ... !

Slow but Sure

ما دفعني لكتابة هذا التدوينة هو الصورة التي رأيتها علي موقع تويتر و التي كانت خاصة بتجربة لأحد الأعضاء من الموقع الشهير ... التجربة عبارة تغيير في لون الصورة الشخصية الخاصة به ... و التغييير يكون ببطء شديد ليتم تغير اللون من الاخضر إلي الاحمر في زمن قدرة 72 يوم .

لو تم التغيير في يوم أو يومين او شهر حتي سيلاحظ كل الذين يتبعونه تغيير اللون و لكن مع البطء الشديد في تغيير اللون لن يلاحظ أحد شيئاً .

و ده فعلاً الي بيحصل في أي حاجة في حياتنا ... الحياة مش ثابته علي حال و كل يوم لازم بيحصل تغييرات كتيرة أوي في حاجات صغيرة في حياتنا ...

الحاجات الصغيرة هي المسئولة عن هذا التغيير سواء كان للأحسن أو الاسوأ

في مثال بسيط جداً كلنا كنا بنعمله و أحنا صغيرين ... الحصالة ... زمان كل كل واحد منا عنده حصالة و حتي لو مش عنده كان بيجيب صفيحة بتاعت عصير و يغطيها بشكل حلو بورق كرتوني علشان يكون شكلها حلو ...

و كل يوم يدخل فيها قيمة معينة من المصروف ... ممكن شلن ... 10 قروش ... أو حتي نصف جنية ... المهم هو مش بيأثر خالص علي المصروف و بعد فترة كنا بنفتح الحصالة نلاقي فيها مبلغ وقدرة ... هو طبعاً مش مبلغ كبير أوي بس أكيد مبلغ كويس ممكن ينفع نشتري بي حاجة تفيد سنننا ... لعبةمثلاً ...

المقصود من الكلام ده كله أن الواحد كان بيعمل حاجات صغيرة جداً و كانت بتفرق كتير في الأخر

مثال تاني

لما تروح تدفع فاتورة التليفون و يبقي لك 35 قرش مثلاً و الراجل يقول لك معيش فكة ... تصور بقي الفكة الكتيرة دي تعمل معاه ايه في أخر اليوم ... والله أكتر مما تتصور

أخر مثال

لما كنت شغال في كافيه في الصيف من 5 سنين كنت باخد 250 مرتب يعني حوالي 8 جنية في اليوم أنما كان البقشيش اليومي أكتر من 10 جنية و كان الطبيعي بتاعي هو 15 جنية ... يعني ضعف القيمة اليومية للمرتب ...!!!

.

.

.

شفت بقي الحاجات الصغيرة تكبر أزاي و ممكن تعمل نتائج لا نتصورها في حياتنا

يعني مثلاً لو عايز تحفظ القران و كنت بتحفظ كل يوم سطر- مش هقول أيه علشان في ايات كبيرة شوية- ممكن تحفظ القران بعد أد ايه؟ اكيد المدة كبيرة ... !!!

بس الأثر برضه كبير جداً ... !!!

إذا أردت أن تري التغيير الفعلي في حياتك يجب أن تكون المده كبيرة و لا تستعجل النتائج ...

.

.

.

خير الأعمال أدومها وأن قل

.

.

.

صدق رسول الله صلي الله عليه و سلم

Common says

Here is some commen says I have learned last 2 weeks while learning English , and I like to write them here .

.

.

'' Time flies when we're having fun ''

.

.

.

" There is no such thing as a free Luanch ''

.

.

.

'' When going gets tough, the tough get going "

.

.

.

'' A penny saved is a penny earned ''

.

.

.

'' Travels boardens the mind ''

.

.

.

'' All raods lead to Rome ''

.

.

.

'' There is no place like home ''

.

.

.

'' Experience is the best teacher ''

.

.

.

'' We had the time of our lives ''

.

.

.

'' Accidents will happen ''

Ideas Notebook

أول ما أكتبه في My Ideas Notebook هو هذه التدوينة

في البداية أنا سألت نفسي كام فكرة بتيجي علي بالي في اليوم الواحد ... عد كده ... كتيييييير ... طيب كام فكرة بيتم تنفيذها ... فكر كده ... قلييييل ... !

طيب هي الافكار دي بتروح فين ؟ ... أكيد بتمشي ... ما هي مش لاقيه مكان مناسب لها علشان تقعد ... طيب ما تروح في مكان تاني أحسن علشان تقدر تعيش و تأكل عيش ...!

الخلاصة علشان مش عايز اطول ... هو حبس تلك الأفكار في مكان ... و الرجوع عليها إليها و المفاضلة بينها و معرفة أيها أكثر قابلية للتنفيذ ... جهداً ووقتاً ومالاً ... و من ثم أخذ القرار المناسب ...

أنا أخدت قرار أن يكون لي ideas notebook بحيث أي فكرة تيجي في دماغي تكون أكتبها و بعدين أبقي اشوفها ... تنفع و للا لأ و بكده مش هنسي حاجة و هعرف أنا عايز ايه ...

والله انا كان بيجي عليً وقت يبقي دماغي فيها أفكار كتير جداً و لكن أول ما اقعد علشان افتكرها ... كأن شيئاً لم يكن ...

راحت فين ...؟ روحت عند مامتها !

The worthest trip through my life

I used to travel last five years from Alexandria to Suez bi-weekly, the trip takes about seven hours by train.

Last Year , I went on the worst Trip in my life, It was winter and I couldn't sleep well at home , and I was obligated to travel from Alex to Suez as I had an exam, I went out from home to the train station, but unfortunately, I was late five minutes , so the train had left , I waited about an a hour for the next train, got into it & slept , I couldn't feel any thing around me , I was so tired, the train stopped at suez but I was sleeping , after the train left the station , I wake up and see a different people from those that I met in the begining of the trip , and different regions I have never seen before .

I got off the train in the next station and took a private car to Suez. The trip ended after 14 hours ! so I think this is the worthest trip through my life

? How to deal with Others

وأنا ماشي في الشارع لاقيت لوح خشب كبييييير مكتوب عليه اسمي و حواليه لاقيت حجارة كتييييير .... وكان في حجر كبييييير في شرخ من النص ...لأن جزء من البيت الكبيييير وقع عليه ... البيت له شباكين حمر صغيريييييين و باب أحمر صغييييير ... فوق البيت في مدخنة طويييييلة و في أخر المدخنة في جونتي شغل بخمس صوابع ... و كان مربوط في المدخنة خيط طويييييل في أخره ولد و بنت ... البنت ماسكه في صباعها أخر الخيط و في الايد التانية مضرب تنس كبييييير ... و فجاءة عدت طيارة من المضرب ... مكتوب علي الطيارة cambridge unversity ... جوة الطيارة كان الطيار بيقرأ في كتاب (كيف تهبط الطائرة بسلام ) .... و دي كانت الحكاية من أولها لأخرها ...

طبعاً اللي يقرأ الكلام ده يقول عليَ أنا بحب أقرأ في كتب ميكي جيب كتير ... لك حق طبعاً بس أيه رأيك بقي أن دي محاضرة من محاضرات التنمية البشرية الخاصة بأكبر مركز تعليمي في العالم متخصص في التنمية البشرية ... المركز التعليمي للكاتب الكبير Dale carngie ... أكيد تعرفوه ... صاحب كتاب ( دع القلق و أبدا الحياة ) وكتاب ( كيف تكسب الأصدقاء و تؤثر في الأخريين ) اللي أكيد أي واحد بيقرأ دلوقتي عارفهم كويس لأن الكتابين دول من أكتر الكتب مبيعاً في العالم ...

أي و الله دي فعلاً محاضرة في محاضرات DCS أو الـ Dale Carngie Seminar و الي باخدها في منحة جيل المستقبل في معهد برلتز حالياً ...

طيب تعرف أن الكلام ده يعلمك أزاي to deal with others بمعني أنك تتعامل مع الناس بطريقة تجعلهم أصدقائك في أسرع وقت و بأفضل النتائج ... أقولك أزاي ...

بص كده كويس في الكلمات المكنوبة بالأحمر في القصة الصغيرة اللي الموجودة في أول التدوينة دي و أنت تعرف أنا قصدي أيه ؟ ...

أول حاجة أنت محتاجها علشان تتعرف علي واحد هو اسمه Name... أكيد الاسم بيترك أثر كبير جداً و كل واحد بيعتز باسمه جداً يعني لو قابلت واحد لأول مرة و عرفت اسمه و قابلته بعد كده و نادته باسمه اكيد هيكون فرحان أنك لسه فاكر اسمه و ده طبعاً هيترك أثر طيب في نفسه و يخلي العلاقات بينكم أفضل

يعني كلمة لوح خشب مكتوب عليه اسمه دي معناها أن أول حاجة تسأل عنها الاسم ...

تاني حاجة هو العنوان Adress لازم تعرف هو الشخص ده ساكن فين و لو عايز تتعرف أكثر علي شخصيته تبقي تسأله بالتفصيل ... بس مش التفصيل أوي علشان ما يفكرش وكيل نيابة و جي تقبض عليه !!!

يعني موضوع البيت في القصة معناها السؤال عن العنوان ... و الشبابيك الحمرا و الباب الاحمر هو العنوان بالتفصيل ...

نيجي بقي لتالت حاجة ... العمل Work اللي أنت بتتعرف عليه بيشتغل أيه ؟ و دي بقي هتلاقيه في القصة في موضوع جونتي شغل كبير ...الموضوع واضح جداً ...

طيب رابع حاجة هي الأسرة Family هل الشخص اللي أنت بتتعامل معاه Single و لاَ engaged و لا خلاص Married أكيد هتفرق معاك كتير النقطة دي ... خصوصاً لو بتدور علي عروسة ... !!!

و ده بقي هتلاقيه في الخيط الطويل اللي البنت مسكاه ... الكلام واضح ...

نيجي بقي لموضوع المضرب الي في أيد البنت ... أكيد ده بيعبر عن الهوايات Hoppies اللي كل واحد بيحب يعملها ...

طيب أيه موضوع الطيارة الي عدت من المضرب ديه ؟ ... بصراحة أنا كنت مفكرها الطموح بتاع كل واحد بس هي طلعت حاجة تانبة ... المقصود بالطيارة هي خبرة السفرTravel Experience اللي مر بها الأنسان و دي طبعاً مفيدة جداً في شخصية أي حد فينا ...

الطيارة مكتوب عليها Cambridge Unversity يعني معني كده الشخص ده معاه Certificates أيه ؟ و مؤهلاته العلمية أيه ؟

و أخيراً هي أن الطيار بيقرأ كتاب في الطيارة وده معناه ايه هي الكتب اللي بيحب الشخص اللي أحنا بنتعرف عليه يقرأها Reading ... أكيد لو واحد بيقرأ لشكسبير مش هيبقي زي واحد بيقرأ ميكي ماوس ... ! أكيد في فرق كبييييير جداً في ثقافة الأثنين !

يعني من الأخر ممكن نرتب القصة الجميلة دي في 8 نقاط ....

Name

Adress

Work

Family

Hobbies

Travel Experience

Certificate

Reading

المهم بقي أني ناوي إن شاء الله أعمل Data Base عن كل أصحابي و بكده أقدرأعرف هقدر أتعامل مع كل واحد أزاي و أيه الطريقة اللي تنفع و أيه اللي ما تنفعوش ؟

و ده اللي أنا هعمله إن شاء الله من النهارده ... و أول حاجة هما أصحابي اللي كل بتعرف عليهم في الكورس ... يعنهي تقدر تقول تطبيق مباشر علي أنا بتعلمه !

حملة 24 أكتوبر

أكثر ما أتعجب له أن يقام علي الفيس بوك حمله لمقاطعة الفيس بوك في يوم معين لنصرة الرسول ( صلي الله عليه و سلم ) مع أني أعرف ناس كتير ممن كانت بتروج للحمله دي لا تصلي الفرض أصلاً ... !! يعني بدل ما تروح تقاطع الفيس بوك ... روح اتعلم لغة و اعرف دينك علشان تعرف ترد علي الناس دي ازاي او روح اتعلم علم مفيد ينفعك و يعلي من شأن دينك او اقولك ... قاطع الفيس بوك لمده شهر او سنه او قاطعه للأبد !!

من السهل ألا تفعل شيئاً ... و لكن من الصعب جداً أن تفعل شيئاً

المصريين أهما

وانا أقضي بعض المشواير اليوم لاحظت أن إعلانات قناة روسيا اليوم الموجهة للعرب أصبحت موجودة بكثرة ةعلي شواطئ البحر و في بعض الميادين العامة ... و قناة روسيا اليوم هي قناة أخبارية موجهة للعرب و هي أخبارية في المقام الأول ... إذا كنت من هواة التصفح فمن المؤكد أنك ستلاحظ أن إعلاناتها في جوجل أدسنس موجودة بكثرة أيضاً و في كل مناسبة تجدها ... مثلاُ في رمضان تجد أن الاعلان يتحدث عن اخر أخبار رمضان و إذا كان الموقع الذي تقرأ فيه موجوده فيه كلمات عن الحرب و فلسطين و إسرائيل تجد نص الأعلان يتحدث عن اخر أخبار فلسطين ... و هكذا ... كما أن القناة بها جزء وثائقي خاص بالحديث عن تاريخ روسيا و ناطق بالعربية و الموذيعين علي درجة عالية جداًُ من إتقان العربية كما ان هناك جزء خاص بتعليم اللغة الروسية للعرب ... و أيضاً هناك جزء مشابهة للفيس بوك إلي حد ما حيث يمكنك أن تشترك فيه و تجد اصدقائك القدامي الذين كنت تعرفهم في روسيا أو إيجاد أصدقاء جدد ... كنت أتابع هذه القناة من حوالي شهرين و هي بحق قناة جميلة ... لدرجة ان أحببت روسيا و أحبت الأماكن السياحية التي فيها لدرجة ان أردت أن أتعلم الروسية لربما أسافر هناك يوماً ... هذا حلم و ربما يتحقق يوماً !

أيضاً الصين لها موقع خاص موجهة للعرب يسمي الصين اليوم , ولها مجلة أيضاً بهذا الاسم تصدر ف بلدان كثيرة من العالم ... أنا نفسي استغربت أن الصين تنشر مجلة باللغة العربية علشان تقول لنا علي حضارتها ... أمال أحنا بنعمل ايه في الحياة ...؟

أقولك انا بنعمل مسلسلات رمضانية تافهة إذا جلست لتشاهدها تزادد حمقاً و بلاهة ... تنتج أفلام ليس لها أي فائدة في الحياة غير أن تجني المال و فقط ... نبيع الوهم المتمثل في اتصل بـ 0789 0900 و انت تكسب مش عارف كام ألف جنية و ما ميلودي تركس عنكم ببعيد !

أذن المشكلة الرئيسية في رأيي تكمن في الأعلام ... إذا صلح الاعلام صلح الجسد كله ... هذا إذا كنا نريد ان يصلح الجسد المصري و يكون له بناينه القوي الذي به نخوض العالم و نقول لهم نحن هنا ... تعالوا لتعرفوا حضارتنا ... لا أقصد حضارة 7000 سنة و لكن أقصد حضارتنا نحن ... مشروعتنا ... علمنا الذي يجب أن تترجموه حتي تستفيدوا منه ... أن ينظر الأنسان الغربي إلينا فيقول عن نفسه هو أحنا ليه كده ... عايزين نبقي زي المصريين بقي ... أمنية حياتي !

هل تحقق!

أنجح في الحياة أولاً

هل فعلاً الذين يحصدون أعلي الدرجات في الدراسة الأكاديمية هم اقل الناس علماً بفنون الإدارة و القيادة ...؟

هل حقاً الذين ينشغلون بحفظ النظريات و اشتقاق المعادلات ينسون أو يفشلون في أن ينجحوا في حياتهم العملية ...؟

أظن أن الأجابة بنعم هي الأجابة المنطقية فنظام التعليم - و بخاصة المصري - يجعل من المتفوق علمياً متخلف حياتياً هذا لأن المتفوق علمياً عندنا هو من انشغل فقط بحفظ العلوم الموجودة في الكتب ... كل ما يعرفه هو كلام كتب و فقط ... و كلام الكتب ليس له أي فائدة إذا لم يعزز بالعمل ... فالعلم و العمل قرينان ...لا يجوز أن يعرف أحدهما ينسي الأخر ...

في أحد حلقات برنامج علمتي الحياة للدكتور (طارق السويدان) الذي أذيع في رمضان الماضي 2009 تكلم فيه الدكتورعن أحد الجامعات الأمريكية التي أجرت إحصاء بسيط للقياديين الموجودين في بعض المراكز القيادية و قسمت الدراسة القياديين ثلاثة أقسام قيديات في الكونجرس و هم من القيادات العيا و القياديين للمراكز والمؤسسات العليا و القياديين الاشرافيين و رجعوا إلي تقديراتهم في الكليات فوجودا الأتي ...

القيادين الكبارفي الكونجرس و المراكزالكبري تقديرهم العام في الكلية جيد...

القيادين للمؤسسات الكبري تقديرهم العلم في الكلية جيد جداً ...

القيادين الاشرفين (الأقل مرتبة) تقدبرهم في الكلية امتياز ...

ليس المهم أن تحصد اعلي الدرجات في الكلية أو في الدراسة الأكاديمية عموماً و لكن المهم أن تتعلم فنون الحياة لأن الكتب بها كل العلم و لكن الحياة يجب أن تجربها و أن تمارسها بنفسك ...

هذا لا يقلل من شأن العلم أو الأجتهاد في العلم و إذا استطاع الأنسان أن يجمع بين الأثنين فهو شيئ جيد جداً ... أما ان يغرق في الكتب و لا يعرف كيف يتعامل خارج سطور الكتاب فهذا إنسان فقد عقله ...

فكر من جديد

ليس هناك أفضل من البساطة

ليس هناك أفضل من البساطة في كل شيئ ...

عندما بدأت استخدم بلوجر وجدت أن هناك بعض الـ Templates الموجودة قبلاً في بلوجر والتي تختار منها عند بداية عملك لمدونتك ... و لكن مع مرور الوقت وجدت أنه هناك مئات المواقع و التي تحتوي علي الألاف من الـ Templates المجانية و التي تعطي لمدونتك شكل جميل و لكن مع مرور الوقت وجدت أن هذه الـ Templates ليس لها أي أهمية و بخاصة لي ... ففي كل مرة كانت تقابلني مشكلة في الـ Template الجديد ... و بخاصة في التعريب ... أعرف ان هناك الكثير من الـ Templates المعربة الجاهزة و التي بعضها يروق لي و لكن أبداُ لن اتعلم التعريب أو أي شيئ أخر في ما يخص التدوين الشكلي ... يكفي أن شكل المدونة الأن يعجبني و كما قال لي صديق قبل ذلك ... المحتوي أهم ... و البساطة أفضل بكثير ... جرب و ستري الفرق.

أختم بحكمة أنجليزية جميلة تقول Keep it simple and stupid و هو ما يختصر بـ Kiss Principle ... أي عيشها ببساطة ودون تعقيد ...

راسلني

يمكنك مراسلتي من هنا

* الاسم
* الأيميل
الموقع او المدونة
*الموضوع
* نص الرسالة
Image Verification Please enter the text from the image: [ Refresh Image ] [ What's This? ]

زوجتي

يقول الشيخ / علي الطنطاوي يرحمه الله :

  

لم أسمع زوجاً يقول إنه مستريح سعيد ، وإن كان في حقيقته سعيداً مستريحاً ،

لأن الإنسان خلق كفوراً، لا يدرك حقائق النعم إلا بعد زوالها، ولأنه ركب من الطمع،
فلا يزال كلما أوتي نعمة يطمع في أكثر منها، فلا يقنع بها ولا يعرف لذاتها، لذلك يشكو الأزواج أبداً نساءهم، ولا يشكر أحدهم المرأة إلا إذا ماتت،وانقطع حبله منها وأمله فيها ، هنالك يذكر حسناتها ، ويعرف فضائلها .
أما أنا فإني أقول من الآن –تحدثاً بنعم الله وإقراراً بفضله - :
إني سعيد في زواجي وإني مستريح وقد أعانني على هذه السعادة أمور
يقدر عليها كل راغب في الزواج ، طالب للسعادة فيه ،
فلينتفع بتجاربي من لم يجرب مثلها ، وليسمع وصف الطريق من سالكه
من لم يسلك بعد هذا الطريق .
أولها:
أني لم أخطب إلى قوم لاأعرفهم،
ولم أتزوج من ناس لا صلة بيني وبينهم ..فينكشف لي بالمخالطة خلاف ما سمعت عنهم ، وأعرف من سوء دخيلتهم ما كان يستره حسن ظاهرهم ،
وإنما تزوجت من أقرباء عرفتهم وعرفوني ، واطلعت على حياتهم في بيتهم وأطلعوا على حياتي في بيتي
، إذ رب رجل يشهد له الناس بأنه أفكه الناس ،
وأنه زينة المجالس ونزهة المجامع ،
وأمها بنت المحدّث الأكبر ،
عالم الشام بالإجماع الشيخ بدر الدين الحسيني رحمه الله
، فهي عريقة الأبوين ، موصولة النسب من الجهتين .
والثاني:
أني اخترتها من طبقة مثل
طبقتنا ، فأبوها كان مع أبي في محكمة النقض ، وهو قاض وأنا قاض ،
وأسلوب معيشته قريب من أسلوب معيشتنا ،
وهذا الركن الوثيق في صرح السعادة الزوجية ، ومن أجله شرط فقهاء الحنفية الكفاءة بين الزوجين
( وهم فلاسفة الشرع الإسلامي ) 
والثالث:
أني انتقيتها متعلمة تعليماً عادياً ، شيئاً تستطيع به أن تقرأ وتكتب ، وتمتاز من العاميات الجاهلات ، وقد استطاعت الآن بعد ثلاثة عشر عاماً في صحبتي أن تكون على درجة من الفهم والإدراك ، وتذوق ما تقرأ من الكتب والمجلات ، لا تبلغها المتعلمات
وأنا أعرفهن وكنت إلى ما قبل سنتين ألقي دروساً في مدارس البنات ، على طالبات هن على أبواب البكالوريا ، فلا أجدهن أفهم منها ، وإن كن أحفظ لمسائل العلوم
، يحفظن منها ما لم تسمع هي باسمه ، ولست أنفر الرجال من التزوج بالمتعلمات ، ولكني أقرر - مع الأسف - أن هذا التعليم
الفاسد بمناهجه وأوضاعه ، يسيء على الغالب إلى أخلاق الفتاة وطباعها ، ويأخذ منها الكثير من مزاياها وفضائلها ، ولايعطيها إلا قشوراً من العلم لا تنفعها في حياتها ولا تفيدها زوجاً ولا أماً ،
والمرأة مهما بلغت لا تأمل من دهرها أكثر
من أن تكون زوجة سعيدة، وأماً .
والرابع:
أني لم أبتغ الجمال وأجعله هو الشرط اللازم الكافي كما يقول علماء الرياضيات ، لعلمي أن الجمال ظل زائل
لا يذهب جمال الجميلة ، ولكن يذهب شعورك به ، وانتباهك إليه ،
لذلك نرى من الأزواج من يترك امرأته الحسناء ، ويلحق من لسن على حظ من الجمال ،
ومن هنا
صحت في شريعة إبليس قاعدة الفرزدق
وهو من كبار أئمة الفسوق ،
حين قال لزوجته النوار
في القصة المشهورة :ما أطيبك حراماً وأبغضك حلالاً .
والخامس:
إن صلتي بأهل المرأة لم يجاوز إلى الآن ،
بعد مرور قرن من الزمان ، الصلة الرسمية ،
الود والاحترام المتبادل ، وزيارة الغب ،
ولم أجد من أهلها ما يجد الأزواج من الأحماء من التدخل في شؤونهم ، وفرض الرأي عليهم ،
ولقد كنا نرضى ونسخط كما يرضى كل زوجين ويسخطان ، فما تدخل أحد منهم يوماً في رضانا ولا سخطنا
ولقد نظرت اليوم
في أكثر من عشرين ألف قضية خلاف زوجي ، وصارت لي خبرة أستطيع أن أؤكد القول معها
بأنه لو ترك الزوجان المختلفان ،
ولم يدخل بينهما أحد من الأهل ولا من أولاد الحلال ، لانتهت بالمصالحة ثلاثة أرباع قضايا الزواج .
والسادس: 
أننا لم نجعل بداية أيامنا عسلاً كما يصنع أكثر الأزواج ،
ثم يكون باقي العمر حنظلاً مراً ؛وسماً زعافاً ،
بل أريتها من أول يوم أسوأ ما عندي ، حتى إذا قبلت مضطرة به
، وصبرت محتسبة عليه ، عدت أريها من حسن خلقي ،
فصرنا كلما زادت حياتنا الزوجية يوماً زادت سعادتنا قيراطاً .
والسابع
: أنها لم تدخل جهازاً وقد اشترطت هذا ،
لأني رأيت أن الجهاز من أوسع أبواب الخلاف بين الأزواج ،
فإما أن يستعمله الرجل ويستأثر به فيذوب قلبها خوفاً عليه ، أو أن يسرقه ويخفيه ، أو أن تأخذه بحجز احتياطي
في دعوى صورية فتثير بذلك الرجل .
والثامن:
أني تركت ما لقيصر لقيصر ،
فلم أدخل في شؤونها من ترتيب الدار وتربية الأولاد ، وتركت هي لي ما هو لي ، من الإشراف والتوجيه ، وكثيراً ما يكون سبب الخلاف لبس المرأة عمامة الزوج وأخذها مكانه ،
أو لبسه هو صدار المرأة ومشاركتها الرأي في
طريقة كنس الدار ،
وأسلوب تقطيع الباذنجان ، ونمط تفصيل الثوب .
والتاسع: أني لا أكتمها أمراً ولا تكتمني ، ولا أكذب عليها ولا تكذبني ،
أخبرها بحقيقة وضعي المالي ، وآخذها إلى كل مكان أذهب إليه أو أخبرها به ،
وتخبرني بكل مكان تذهب هي إليه ،
وتعود أولادنا الصدق والصراحة ، واستنكار الكذب والاشمئزاز منه .
ولست
والله أطلب من الإخلاص والعقل والتدبير
أكثر مما أجده عندها : فهي من النساء الشرقيات اللائي يعشن للبيت لا لأنفسهن ، للرجل والأولاد ، تجوع لنأكل نحن ، وتسهر لننام ، وتتعب لنستريح ، وتفنى لنبقى ،
هي أول أهل الدار قياماً ، وآخرهم مناماً ،
لا تنثني تنظف وتخيط وتسعى وتدبر ، همها إراحتي وإسعادي .
إن كنت أكتب ، أو كنت نائماً أسكتت الأولاد ،
وسكنت الدار ، وأبعدت عني كل منغص أو مزعج .
تحب من أحب ، وتعادي من أعادي ،
وإن كان حرص النساء على إرضاء الناس
فقد كان حرصها على إرضائي ،
وإن كان مناهن حلية أو كسوة فإن أكبر مناها أن تكون لنا دارنملكها نستغني بها عن بيوت الكراء .
تحب أهلي ، ولا تفتأ تنقل إلي كل خير عنهم ،
إن قصرت في بر أحد منهم دفعتني ،
وإن نسيت ذكرتني ، حتى إني لأشتهي يوماً أن يكون بينها وبين أختي خلاف
كالذي يكون في بيوت الناس ، أتسلى به ، فلا أجد إلا الود والحب ، والإخلاص من الثنتين ،
والوفاء من الجانبين !!.
إنها النموذج الكامل للمرأة الشرقية ، التي لا تعرف في دنياها إلا زوجها وبيتها ، والتي يزهد بعض الشباب فيها ، فيذهبون إلى أوربا أو أميركا ليجيئوا بالعلم فلا يجيئون إلا بورقة في اليد ،
وامرأة تحت الإبط ،
امرأة يحملونها يقطعون بها نصف
محيط الأرض أو ثلثه أو ربعه ،
ثم لا يكون لها من الجمال ،
ولا من الشرف ولا من الإخلاص
ما يجعلها تصلح خادمة للمرأة الشرقية ، ولكنه فساد الأذواق وفقد العقول ،
واستشعار الصغار وتقليد الضعيف للقوي .
يحسب أحدهم أنه إن تزوج امرأة من أمريكا
أو أي امرأة عاملة في شباك السينما ،أو في مكتب الفندق ،
فقد صاهر طرمان ، وملك ناطحات السحاب ، وصارت له القنبلة الذرية ،
ونقش اسمه على تمثال الحرية !!.
إن نساءنا خير نساء الأرض ،
وأوفاهن لزوج ، وأحناهن على ولد ، وأشرفهن نفساً ، وأطهرهن ذيلاً ،
وأكثرهن طالعة امتثالاً وقبولاً ، لكل نصحٍ نافع وتوجيه سديد .وإني
ما ذكرت بعض الحق في مزايا زوجتي إلا لأضرب المثل من نفسي على السعادة التي يلقاها
زوج المرأة العربية

لعل الله يلهم أحداً من العزاب القراء العزم على الزواج فيكون الله قد هدى بي ، بعد أن هداني