كريم السيد، شاب مصري عايش في إنجلترا و متزوج من إمرأة إنجليزية مسلمة، احترف اليوتيوب وعمل الفلوجات منذ ما يقرب من ٤ سنوات، من الناس اللي بحب اتفرج على شغلهم جدًا، مواضيعه مختلفة و تصويره ومونتاچه أكثر من رائع، و صدق فيه القول "إن الشغل بيجيب شغل"، عرض مرة فيديو عن مهارات البقاء في الصحراء مع اليوتيوبر شاهين ومرة عن صيد وتربية الثعابين مع اليوتيوبر أحمد الدكروني، و مرة عن صناعة الأحذية، و مرة عن أغلى قصور دبي و مرة في الصين ايام الجمعة السوداء، أو سمّها كما تشاء، فيديوهاته متنوعة و عارف هو بيعرضها أمتي، يوم الجمعة بعد الصلاة، تقريبا أنت مش عايز تستفاد من الفيديو استفادة عظيمة أو تعيد بعض أجزاءه لأهميته أو تحتفظ به، يكفى أنه فيديو لذيذ حتى لو لم يضيف إليك معلومة واحدة زيادة، هو فيديو بيسطك و خلاص.
من الحاجات اللي هو شاطر فيها إنه بيعرف يعمل فيديو و جواه إعلان بشكل غير مستفز مش زي بعض اليوتيوبر اللي بيجيب لك كل شوية اسم المنتج و السبونسر لهذا الفيديو و يلح عليك إنك تنزل تشوف اللنك و تشتري من عنده، لا خالص ، أنت ممكن ما تخدتش بالك أنه إعلان أصلا.
في يوتيوبر كتير كويسين أنا متابعهم هبقى أعرضهم في بوست مستقل
ليست هناك تعليقات:
إرسال تعليق