الحديث ده أنا سمعته قبل كده كتير جداً و الصراحة معناه جميل جداً و الحديث هو
إن لله عبادًا اختصهم لقضاء حوائج الناس، آلى على نفسه أن لا يعذبهم بالنار
طبعاً اللي راح أي جمعية خيرية أو أي مؤسسة بتساعد الناس أو حتي راح المنطقة العسكرية اللي فيها بيتم تعبئة و تجنيد الشباب ( الحمد لله أنا فلت من الموضوع ده) هيلاقي الحديث ده.
و لما حبيت أشوف الحديث ده نصه أيه بحثت عنه في جوجل و لكن لقيت أن الحديث ده ضعيف جداً يعني مش حديث عن الرسول صلي الله عليه و سلم ... و علشان يبقي كلامي موثق أدي اللنك ده فيه الكلام كله من موقع إسلام ويب ...
يا ريت كل واحد يتأكد من الأحاديث قبل ما يبعتها في أيميلات أو يكتبها في أي مستند لأن في أحاديث كتير أوي مشهورة بس طلعت مش أحاديث و ربنا يخلي لينا جوجل
تحديث
في نفس اليوم الذي كتبت فيه هذا البوست وبعدها بساعات قرأت في رسالة إيميل الحديث المكتوب حول عرش الرحمن الذي يظهر أفكة من ركاكة أسلوبه ... و قام صديقي العزيزأحمد مختار بإرسال موقع للتأكد من صحة الأحاديث و هو الدرر السنية و الذي أكتشفت بعدها ان هناك أحاديث مشهورة جداً جداً جداً و لكنها غير صحيحة أياً كان درجة عدم الصحة ... موضوعة ... منكرة ... إلخ (ليست علي دراية بالفروق بينهم بالظبط ! و لكن يكفي أنها غير ثابتة عن الرسول صلي الله عليه و سلم)... و يكفي أن تمر بعينك علي هذا الموضوع (أحاديث منتشرة علي الأنترنت) لتعرف كم هي الأحاديث المشهورة علي النت و غير صحيحة !!!!!!!
.
أرجو أن تكون الصورة قد أتضحت و أن نعرف كيف ماذا يتم إعادة إرساله قبل أن تضغط علي زر الـ Forward
هناك تعليق واحد:
والله عندك حق يا قصص
أولاً جزاك الله خير
ثانياً الأحاديث دي انتشرت أوي، حتى إنك تلاقي أحاديث غريبة ولما تدور تلاقي إنها موضوعة أو مكذوبة أو منكرة وكدة يعني، والناس مش فارقة معاهم المهم يكون المعنى عاجبه وينفع فالموضوع إللي هو عايزه.
في موقع جميل برضوا للتأكد من صحة الأحاديث قبل نشرها وهو موقع الدرر السنية
http://www.dorar.net/
وغيره كتير إللي ماسبوش حجة لحد يحط حديث غلط، إلا إذا كان هو فعلاً قاصد كده...
إرسال تعليق