تطوير في أداء نملة

كنت بتكلم يوما مع أحد الأصدقاء عن كيفية نجاح المؤسسات و الشركات الكبري و ايه اللي بيخلي شركة تكبر و يزداد نشاطها و يخلي أخري تعلن أفلاسها و تسرح عمالها فقال لي :-
 نجاح أي شركة في الدنيا مبني علي حاجتين مهمين ، جزء أداري و يختص به المديرين ، وجزء تقني يختص به المروؤسين ، والأثنين لازم يعملوا مع بعض بكفاءة عالية علشان الشركة تنجح 
 لازم يبقي في Planning صح من المديرين ، و لازم يكون فيه Follow Up  للتعليمات اللي الأدارة قالت عليها علشان نقول الشركة دي ناجحة أو لأ ... 

بس ده تقريباً مش بيحصل إلا نادراً يعني كل مدير يجي ييحسب أن هو بس اللي الشركة مستناية علشان يقوم بيها و يخليها شركة عالمية علي أرض مصرية ، و يبدأ من الأول ، و يقعد يشخط و يزعق أن
من النهاردة نظام جديد خالص
 أنسوا بقي أي حاجة كانت بتحصل زمان
 و يقعد يقول تعليمات ما فيش حد مقتنع بيها فيا أما المروؤسين دول يعملوا التعليمات دي و خلاص و بيكونوا 8 ساعات ملل و عكننة و جو نفسنة ، أو التعليمات دي بتتنفذ علي الورق بس و كل واحد و شطارته بيعرف يوري المدير ان الشغل شغال 100 % و كله تمام يا ريس و ده بفضل توجهات سيادتك ...
مشكلتنا ان ما عندناش System  ثابت ماشيين عليه ، تتغير الاأشخاص زي ما تتغير المهم الـ System  اللي بيتغير بالكامل علشان شخص و نكرس كل عملنا لأرضاء المدير ، مش بنعمل شغلنا لأننا بحب الشغل ده و عايزين فعلاً نطبق الـ System  من جوانا
طبعاً ده بيعود علي العاملين بمزيد من الأحباط و الملل الوظيفي و بيخلوا الـ8 ساعات شغل ، 8 ساعات عكننة وكلام عن الناس و ما يحدش بيتطور و لا حاجة ...

القصة اللي موجودة علي شكل صوربالاسفل تعبرعن فساد الأدارة اللي بيعبرعنها بصورة "أسد"  بيحاول يصلح أداء "نملة" و اللي هي عبارة عن العامل النشيط ، و بقية شخصيات القصة معروفة للجميع 

سلامات يا عم الأسد ، و معلش يا نملة 
















 

هناك ٧ تعليقات:

د/دودى يقول...

هههههه....تحفه الفكره دى و الصور مخليه الفكره الكبيره مسليه كمان

السيستم اه ايها السيستم لو كل واحد يلتزم بيه و يكون اصلا محطوط صح لترقى من محل بقاله لاعظم محل بقاله فى الدنيا و تحول مصر فى 5 سنين لبلد اروع من ماليزيا...

سكندري يقول...

د.دودي
اخيراً ما اختلفتيش معايا في الراي (:
كويس ان الموضوع عجبك ، بعض مما عندكم

ابراهيم رزق يقول...

طبعا احيك على العرض الجميل

متفق معك تماما
تحولت المقولة اللى بتقول اربط الحمار مطرح ما يقول صاحبه
الى مقولة من تاليفى الى اربط الحمار مطرح ما يقول الحمار
نجاح اى عمل يعتمد كما قلت على سيستم او شروطه ان يثق المرؤس فى خبرة رئيسه و ان يثق الرئيس فى قدرات المرؤسين
ان يقتنع الرئيس قمة وصوله للنجاح هو دوران العمل بكفاءة اثناء وجوده او عدم وجوده و انه لو تغيب فلن يتوقف العمل هذا هو مقياس نجاحه
المنظومة الجماعية المتكاملة هى طريق النجاح

خالص تحياتى

سكندري يقول...

أ.إبراهيم رزق

مش قادر اقول حاجة بعد اللي حضرتك قلته ،بس ده غالباً مش بيحصل

لاننا ادمنا الشخصنة ، و لو محمدين بيه موجود يبقي الشغل مية فل و عشرة و لو محمدين بيه إجازة يبقي ان غاب القط العب يا فار D:

يا رب شوية ٍSystem

الميكروباص يقول...

احنا افشل بلد في العالم إداريا ولا نصلح لإدارة أي شيء
ادخل اي شركه سوف ترى الفشل الإداري والحروب بين الموظفين واللي فاكر نفسه مفيش غيره في الدنيا
يا راجل
ده انا بحارب من أجل نجاح عملي الخاص بقالي سنه مخصوص لكي لا أقع تحت رحمة مدير أو موظفين من عينة "العصافير"

سكندري يقول...

عزيزي لورانس العرب

احنا فعلا فاشلين اداريا ، و الاسؤا بقي اننا فاكرين ان الاجانب هما الافضل اداريا

و بفتخر اوي ان الشركة دي اللي مشغلها اجانب

مع ان الاجانب فيهم ناس ولا تفهم اي حاجة في اي حاجة و احنا عندنا كفاءات افضل بكيتر جدا منهم

بس اللي يفرق بينا و بينهم انهم ماشين علي Syatem و Documentation
يعني كل حاجة لها نظام و مكتوبة في ورقة علشان لما احب ارقي حد ارقيه و لما احب اعاقب حد اعاقبه و كل واحد ياخد حقة و ما فيش معلش النوبة دي يا
بيه

احنا للأسف مش متربيين علي النظام و لا عارفين يعني ايه ادارة ...
ايييييييه ...دنيــــــــــــــــــا



ومعلش يا بشمهندس ، ربنا يفرجها عليك

Dodda82 يقول...

عرض رائع.. لكن مين يوصل الكلام ده لاصحاب العمل المتحذلقين