 |
قلعة قايتباي تظهر في الأفق
|
يا مراكبي ... شد القلوع
قبل الشروق ... في الشتاء
حيث استمتع بالبحر وحدي ... في الشتاء طبعاً
يا شمس يا شموسة ... شوية دفا ... في عز الشتا
جزيرة ميامي ... غيوم و مراكب
احذر ... قنديل البحر
شتاء الإسكندرية ... الكورنيش فاضي
و مازال الكورنيش فاضي ... مين الراجل ده ؟؟
يا نخلتين في العالالي ... و السلسلة في النص
السلسلة
أمام مكتبة الإسكندرية
مكتبة الإسكندرية ... عبقرية التصميم
فندق سوفيتيل ... محطة الرمل
سعد سعد يحيا سعد ... ميدان سعد زغلول .. محطة الرمل
متحف المجوهرات ... زيزينا
سان ستفانو
عمود السواري
تمثال خشبي ... مكتبة الإسكندرية
إلي متحف السادات ... اتفضل
من شباك القطار من القاهرة إلي الإسكندرية
ميدان رمسيس ... حاجة حلوة في وسط مليون حاجة وحشة
تحت القبة ... جامعة القاهرة
هناك ٢١ تعليقًا:
بعشق حاجة اسمها اسكندرية .. يا بختكم ببلدكم يا اخى :))
أهلاً بيكي يا دكتورة
أحنا فعلاً في نعمة بس أحنا كائنات شتوية مش بتستمع بالإسكندرية ألا في الشتاء بس
أنما غير كده في احتلال أجنبي من المصطافين ، هههههههههههههههه
لدرجة أني بكره أخرج من البيت في الصيف
تعليقى النص الاولانى منه اتحرق بسبب ان كان فى مشكلة وعرفتش اكتب التعليق
وعقبال ما ربنا فرجها كنت انت رديت على نص تعليقى الاول بس هكتبة وخلاص
---------------- التعليق ---------
ايه الجمال ده
جميلة اسكندرية فعلا واكتر ناس بتحس بجمالها اللى زى حالتنا ( مش منها )
بس انا ملاحظ ان كل الصور فى الشتا ... ايه انتم مبتحبوش السياح ؟ :D
اما صورة ميدان رمسيس فاعذرنى معرفتش تجيب عبقرية المكان .... كان لازم تورى للاسكندرنية الـ 10 مليون نفر اللى بيبقوا راكبيين فوق بعض فى ميدان رمسيس والـ 3 سم اللى بيكونوا متاحين لك عشان تتحرك فيهم وكده يبقى ربنا كرم
هى دى عبقرية المكان فى الميدان
##عمرو عواد##
فينك يا راجل من زمان ... شكلك كنت مزنوق في ميدان رمسيس و ما عرفتش تيجي غير دلوقتي هههههههههههه
بالنسبة للصور فأنا زي ما قلت مصورها في الشتاء فعلاً لأني فعلاً مش بنزل في الصيف و لو نزلت بلاقي الناس علي الشط وفي ثكنات صيفية و استعمار اجنبي ...
يعني اصور لك مثلاً الناس اللي بتنزل بجلابية و لا اصور لك العيال(و الكبار كمان) اللي بتنزل بالملابس الداخلية ؟؟؟
خليني أشوف الحلو بس
بس أنت تنور في اي وقت مالكش دعوة بكلامي ده (:
بالنسبة للقاهرة فربنا يعينكوا D:
أنا بنزل يوم علشان اخلص ورق أو حتي انزل ترانزيت علشان اروح السويس ببقي بجري زي ما يكون في وباء بتنشر
لا بجد صعبة أوي أوي أوي
الصور فاتحة ليه ياريس؟ تحس ان الشمس جامدة اووووي في معظمها...كل سنة وانت طيب يا ريس
## تيكو ##
كل سنة و أنت طيب يا جميل و عيد سعيييييييييد عليك
الصور فاتحةيمكن بس علشان أنا أول مرة أصور و ما بخدتش بالي من الحاجات دي ، وكمان دي صور موبايل مش صور كاميرا ديجتال فمفيش امكانيات كتير علشان الصور تتطلع أحسن
.....
انا كمان على فكرة بعشق اسكنرية فى الشتا و مبحبهاش فى الصيف و هى زحمة و رطوبة ... اصل انا برضه كائن شتوى بالفطرة :)))
##اخر أيام الخريف##
أحنا شكلنا كده هنعمل حزب "الكائنات الشتوية" يبقي حزب جامد جداً
تنوري الإسكندرية في الشتاء يا دكتورة
الله الله الله .. الصور كلهم أجمل من بعض .. وخصوصا بتاعت المراكب و مكتبة اسكندريه .. تنفع مصور كويس كمان ..
بتاخد الصور من زوايا حلوه .. زي صورة الخامسه كده بتاعت الشمس ..
وعلى رأي داليدا ..
" أيوة يا عالم عالمنظر
أيوة يا عالم عالمينا..
و الشوق بيتمرجح بينا
و تولتوميت الف سفينة
عالبحر ماشية تتزمر "
اسكندرية منورة بأهلها يا باشمهندس :))))
اسكندرية ^_^
^_^
^_^
اسكندرية اجمل مدينه ف مصر ليها جمالها المميز وبحرها اللى طبع ع ناسها
##حباية بندول##
أهلاً بيكي في المدوةنة
شكراً علي تشجعيك ليا دائماً بس مصور دي بعيدة شوية
##اخر أيام الخريف##
خلاص يبقي أنتي من أهلها (:
##سمو الأمير##
سعيد أني قابلتك الأسبوع اللي فات بعد متابعة مدونتك الرائعة و كلامك الجميل علي الفيس ، أنت إنسان رائع
##غير معرف ##
أهلاً بيك ... الإسكندرانية شبه السمك في البحر لو طلعوا برة منه يموتوا ...
:)))) يزيدنا شرف
شوية صور ما شاءالله عليها
بلد أكتر من روعة
## الظل##
منور المدونة و يا رب باقي الموضوعات تعجبك
يسعدني اني رايت جانب جميل من مصر
وبالصور كماااااان ^_^
تحياتي
## الغاردينيا ##
أهلاً بيكي في زيارتكي الأولي للمدونة
إن شاء الله ناوي أعرض شوية صور تانية
بس الفترة القادمة إن شاء الله
دومتي بود
إرسال تعليق